रात्रीस खेळ चाले... ९ जणांना चुकीचे काम करताना पकडले!

गोपनीय माहिती मिळाल्यावरून ठाणेदार गिरीश ताथोड यांनी पथक देऊळघाटकडे पाठविले. जुगार खेळणारे शेख वसीम शेख करीम (३४), नसिरउद्दीन समसुद्दिन (३९), प्रकाश किटे (२०), संजय वानरे (३६), सय्यद नाशिर सय्यद रशीद (३२), दयाराम जाधव (४२), विजय पन्हाळे (३५), मंजूरखा अत्तरखा (६०, सर्व रा. देऊळघाट) यांना ताब्यात घेण्यात आले. हाजीक खैरू नावाचा संशयित फरारी झाला. ९ आरोपींविरुद्ध बुलडाणा ग्रामीण पोलीस ठाण्यात गुन्हा दाखल करण्यात आला आहे. त्‍यांच्‍याकडून २५१० रुपयांचा मुद्देमाल जप्त करण्यात आला. ही कारवाई ठाणेदार गिरीश ताथोड यांच्या मार्गदर्शनाखाली पोलीस उपनिरिक्षक गजानन शिंदे, पोहेकाँ गणेश शेळके, पोहेकाँ दिलीप बोरसे, पोकाँ दुर्गासिंग ठाकूर, मपोकाँ पूजा साळवे यांनी केली आहे.