ओ शेठ तुम्‍हाला महागात पडलाय केक!

१४ नोव्हेंबर रोजी ओम श्रीराम गायकवाड (रा. बालाजीनगर, मेहकर) याचा २९ वा वाढदिवस होता. वाढदिवस साजरा करण्यासासाठी ओमच्या मित्रांनी सेलिब्रेशनचा बेत आखला. मेहकर-डोणगाव रोडवरील शहरातील इंद्रप्रस्थ चौकात मित्र जमले. रस्त्याच्या मधोमध विना नंबर प्लेटची बुलेट आडवी लावली व गाडीवर केक ठेवून वाढदिवसाचे सेलिब्रेशन केले. मात्र हे सेलिब्रेशन सुरू असताना पोलिसांचे पेट्रोलिंग करणारे वाहन तिथे आले. रस्ता अडविल्यावरून पोलिसांनी चौघांना ताब्यात घेत मेहकर पोलीस ठाण्यात आणले. बर्थ डे बॉय ओम गायकवाड याच्यासह त्याचे मित्र हर्षल रामभाऊ कुसळकर (२९, रा. रामनगर, मेहकर), विनोद पुंडलिक जाधव (२९, रा. रामनगर,मेहकर) व पवन सुरुशे (२९, रा. बालाजीनगर,मेहकर) यांच्याविरुद्ध गुन्हा दाखल करण्यात आला.