चिमुकलीसोबत किळसवाणा प्रकार करणारा म्‍हातारा अटकेत!

१५ नोव्हेंबर रोजी पीडित मुलीचे आई वडील दुपारी शेतात गेले होते. मुलगी दुपारी घरी एकटीच होती. ती अंघोळ करत असताना मधुकर न्हाणी घरात शिरला. त्याचे गुप्तांग मुलीला दाखवून कपडे काढायला सांगितले होते. त्यामुळे घाबरलेल्या मुलीने आरडाओरड केली. त्यामुळे शेजारील आजी-आजोबा धावत तिकडे गेल्याने मधुकरने घटनास्थळावरून पळ काढला होता. पीडित बालिकेचे आई-वडील शेतातून आल्यानंतर तिने हा प्रकार आई- वडिलांना सांगितला. रात्री उशिरा पीडितेच्या वडिलांनी नांदुरा पोलीस ठाण्यात तक्रार दिली होती. पीडित बालिका अनुसूचित जातीच्या प्रवर्गातील असल्याने या प्रकरणात पोस्कोसह ॲट्रॉसिटी कायद्याअंतर्गत गुन्हा दाखल करण्यात आला होता.