खडकवासला किंकाळ्यांनी दणाणल! एकीचा पाय घरसला, वाचवायला गेलेल्या ८ जणी बुडू लागल्या! ७ मुलींना वाचवण्यात यश; बुलडाण्याच्या शीतल आणि खुशीचा बुडून मृत्यू..

प्राप्त माहितीनुसार एका लग्नानिमित्त बुलडाण्यावरून खडकवासला येथे गेलेल्या ९ मुली व काही महिला कपडे धुण्यासाठी गेल्या होत्या. यावेळी त्यांच्यापैकी एक मुलगी पाय घसरून पाण्यात पडली तिला वाचवण्यासाठी आठ जणी धावल्या त्याही बुडाल्या, यावेळी मुलीच्या किंकाळ्या एकूण परिसरातील लोक तिथे धावले. यावेळी ७ जणींना वाचवण्यात यश आले मात्र दोघींना जलसमाधी मिळाली. ९ पैकी ८ जणींचे वय १६ वर्षांपेक्षा  कमी होते.
    टकले वस्ती गोहे खुर्द येथील खडकवासला धरणाचे बॅक वॉटर असलेल्या नदीपात्रात आज १५ मे च्या सकाळी सव्वानऊच्या सुमारास ही दुर्दैवी घटना घडली. ७ मुलींना उपचाराकरिता प्राथमिक आरोग्य केंद्र खानापुर येथे दाखल करण्यात आले आहे. या घटनेची माहिती मिळताच बुलडाणा परिसरात शोककळा पसरली आहे.