कुणी सोन्याच्या गिन्‍न्या देत असेल तर... पोलीस म्‍हणतात...

केवळ सोन्याच्‍या गिन्न्याच नाही तर दागिन्यांना पॉलीस करून देतो असे म्हणून महिलांकडील दागिने वितळूण फसवणुकीच्या घटना वारंवार समोर येत आहेत. अशा प्रकारे चोरट्यांची टोळी सक्रीय असून, महिलांनी अशा भुलथापांना बळी पडू नये. आम्ही पोलीस आहोत, असे सांगून झडती घेऊन दागिने व पैसे घेऊन पळून जातात. अशा तोतया पोलिसांपासूनही सावध रहावे. आपल्या परिसरात अनोळखी व्यक्‍ती वारंवार येत असल्यास व पाळत ठेवत आहे. असा संशय वाटल्यास त्या व्यक्तीची विचारपूस करावी. मौल्यवान दागिने, रोख रक्कम घरात ठेऊन बाहेरगावी जाऊ नये. नागरिकांनी स्वस्तात सोन देण्याच्‍या कोणत्याही आमिषाला बळी पडू नये. बाहेरगावी जाताना जवळचे पोलीस स्टेशनला कळवावे. फसवणुकीपासून दक्ष रहावे, असे आवाहनही पोलिसांनी केले आहे.