आयशरला मोटारसायकल मागून धडकली! बापाचा घटनास्थळीच चेंदामेंदा झाल्याने मृत्यू; लेकीवर छत्रपती संभाजीनगरात उपचार सुरू! चिखली - मेहकर रस्त्यावर अपघात

 गजानन म्हस्के व त्यांची मुलगी मोटारसायकलने मेहकर वरून हिवरा आश्रम कडे जात होते. त्याच वेळी रस्त्याच्या बाजूला उभे केलेले आयशर वाहन रस्त्यावर आणत असताना म्हस्के यांची मोटारसायकल आयशर ला मागून धडकली. या भीषण अपघातात आयशर वाहनांचे चाकच म्हस्के यांच्या डोक्यावरून गेल्याने त्यांचा घटनास्थळीच चेंदामेंदा होऊन जागीच मृत्यू झाला. तर त्यांची मुलगी भक्ती ही रस्त्यावर फेकल्या गेली.तिचा हात फ्रॅक्चर असून छातीला देखील मार लागला आहे. पुढील उपचारासाठी तिला छत्रपती संभाजीनगरला हलविण्यात आले आहे.