BREAKING निवडणुकीच्या तोंडावर १० लाखांची कॅश पकडली! डिक्कीत ठेवली होती रोकड; येळगाव टोलनाक्यावर मध्यरात्री भरारी पथकाची कारवाई...

बुलडाणा चिखली रस्त्यावरील येळगाव टोलनाक्यावर निवडणूक आयोगाचे भरारी पथक येणाऱ्या जाणाऱ्या वाहनांची तपासणी करीत आहेत. रात्री पावणेअकराच्या सुमारास चिखलीकडून बुलडाण्याकडे येत असलेल्या एका चारचाकी वाहनाची तपासणी करण्यात आली. गाडीच्या डीक्कीत १० लाख रुपयांची रोकड पकडण्यात आली. निवडणूक निर्णय अधिकाऱ्यांना या प्रकरणाची माहिती देण्यात आली असून सदर रक्कम इन्कम टॅक्स विभागाकडे सोपवण्यात आली असून चौकशी सुरू असल्याचे तहसीलदारांनी सांगितले. ही रक्कम कोणाची? कुणाला देण्यासाठी नेण्यात येत होती? रक्कम कुठून आणली याबाबत सध्या चौकशी सुरू असल्याचे त्यांनी सांगितले.