बुलडाण्यात दादागिरी वाढली! बातमी वाचल्यावर तुम्हालाही पटल...घटनाच तशी घडली...

  ईश्वर वाघमारे चिखलीतील सावरगाव डुकरे येथील मूळ रहिवासी आहेत, ते पोलीस भरतीची तयारी करतात. बुलडाण्यात खोली करून राहतात, शनिवार रात्री जेवण करण्यासाठी खोलीवरून ते निघाले. तितक्यात बस स्थानकाजवळ रात्री ८ वाजता आशुतोष पडघान आणि उदय गवळी यांनी त्यांना अडवले. "तुझ्याजवळ जेवढे पैसे असतील तेवढे दे नाहीतर मारून टाकू" अशी धमकी त्यांनी ईश्वराला दिली. असे तक्रारीत म्हटले आहे. माझ्याकडे पैसे नाही असे सांगितल्यावर त्यांनी ईश्वरची अंग झडती घेतली त्यातून मोबाईल चोरण्याचा प्रयत्न केला. मग ईश्वरने आरडओरड केली. लोक जमा झाले, वेळीच त्यांनी पोलिसांना पाचारण केले. पोलीस घटनास्थळी दाखल झाले, आणि तिघांना ठाण्यात नेले. ईश्वरने सगळी हकीगत सांगितली त्यानुसार आशुतोष पडघान,(२४ वर्ष) उदय गवळी (३५ वर्ष) या दोघांवर शहर पोलीस ठाण्यात गुन्हा दाखल करण्यात आला. पुढील तपास हेड कॉन्स्टेबल सुनील किनगे करत आहेत.