BREKING शाब्बास अंढेरा पोलीस..! सगळ काही आव्हानात्मक होत तरीही २४ तासांच्या आत चंदनपुरच्या हत्याकांड प्रकरणातील आरोपी जेरबंद; वसईतून रेल्वेतून उचलले....

पश्चिम बंगालचे रहिवासी असल्याचे सांगणारे दोन तरुण आणि एक तरूणी चंदनपुर येथे थ्रेशर मशीनवर कामासाठी आले होते. अनंता इंगळे यांच्या थ्रेशर मशीन वर ते काम करणार होते. १३ ऑक्टोबरला ते आले तेव्हा त्यांच्याकडे कपडे नव्हते, म्हणून थ्रेशर मालक त्यांना मेरा बु येथील दुकानात घेऊन आले व त्यांना कपडे खरेदी करून दिले. राहण्यासाठी एक घर उपलब्ध करून दिले. १४ ऑक्टोबरच्या मध्यरात्री थ्रेशर मालक इंगळे यांना ते घर उघडे दिसले, घरात पाहिले असता तरुणीचा मृतदेहच दिसला. दोन्ही तरुण गायब झालेले दिसले. त्यानंतर तात्काळ अंढेरा पोलिसांनी घटनास्थळी धाव घेतली होती.

 दुकानातील सीसीटिव्ही फुटेजची तपासाला मदत..
 

दरम्यान खुनाची घटना उघडकीस आल्यानंतर ठाणेदार विकास पाटील यांना मेरा बु येथील कापड दुकानातून आरोपींनी कपडे खरेदी करण्याविषयी कळले. त्यांनी तात्काळ  थ्रेशर मालक इंगळे यांना सोबत घेऊन  मेरा बु तेथील त्या दुकानांतील सीसीटिव्ही फुटेज तपासले. दुकानांतील  सीसीटिव्ही फुटेज मध्ये तरुण कपडे खरेदी करीत असल्याचे कैद झाले होते..या फुटेजची पोलिसांना तपासात मोठी मदत झाली. कालच आरोपींच्या शोधासाठी अंढेरा पोलिसांचे पथक रवाना झाले होते, आज १५ ऑक्टोबरच्या पहाटेच्या सुमारास दोन्ही आरोपींना पोलिसांनी वसई येथून रेल्वेतून ताब्यात घेतले आहे. तरुणांनी तरुणीचा खून का केला? तरुण तरुणीचे नाते काय होते? यासंबंधीच्या अनेक प्रश्नांची उकल आता आरोपी तरुणांच्या चौकशीतून होणार आहे..तूर्तास २४ तासांच्या आत आरोपींना जेरबंद करणाऱ्या अंढेरा पोलिसांवर कौतुकाचा वर्षाव होतोय...