BREAKING वेटरला अडकवत घडवले नकली नोटांचे कांड; म्हणाला,५ हजार घे अन् दारू आण! वाईन शॉप वाल्याला संशय आला अन् उघडकीस आली घटना! ३ आरोपी मेहकर पोलीसांच्या ताब्यात! जिल्ह्यात नकली नोटांचे रॅकेट?

पोलीस सूत्रांनी दिलेल्या माहितीनुसार दारू खरेदीसाठी मेहकर येथील अग्रवाल वाईन शॉपीवर ५ हजार रुपये घेऊन आलेल्या आरोपीचे नाव सोहम खेत्रे (रा. पिंपरी सरहद, ता.मेहकर) असे आहे. सोहम डोणगाव येथील जगदीश पांडव यांच्या हॉटेल मध्ये कामाला असतो. जगदीश पांडव याने त्याचा मित्र गजानन मुळे रा. डोणगाव याच्याकडून ५ हजार रुपये उसने घेतले होते. तेच पैसे हॉटेल मालक जगदीश पांडव याने सोहम खेत्रे याच्याकडे देऊन त्याला मेहकर येथून दारू आणायला सांगितली होती. त्यामुळे या प्रकरणातील मुख्य आरोपी हा गजानन मुळे हा असल्याने त्याला पोलिसांनी अटक केले, हॉटेल मालक जगदीश पांडव यालाही अटक करण्यात आली आहे.

आरोपींची संख्या वाढणार कारण..

दरम्यान या प्रकरणात आरोपींची संख्या वाढण्याची दाट शक्यता आहे. कारण हॉटेल मालकाला ५ हजार रुपये उसने देणारा मुख्य आरोपी गजानन मुळे हा सराईत गुन्हेगार आहे. त्याच्यावर गंभीर स्वरूपाचे ३२ गुन्हे दाखल आहेत. आपण नकली नोटा जगदीश पांडव याला देत असल्याचे त्याला माहीत होते. दरम्यान गजानन मुळे याने हे पैसे कुठून घेतले याचीही माहिती पोलिसांना दिली आहे, त्यामुळे आता चौथा आरोपी देखील गजाआड करण्याच्या दृष्टीने पोलीस पावले उचलत आहेत.