BIG BREKING! खामगावच्या बोरीआडगावात मध्यरात्री दरोडा; घरमालकाला व घरातील महिलांना चाकूने भोसकले; घरात रक्ताचा सडा..! दरोडेखोरांचा सोनेचांदी व रोख रकमेवर डल्ला पण मोटारसायकल तिथेच सोडून गेले

प्राप्त माहितीनुसार बोरी आडगाव येथील  मारोती तायडे यांचे घर गावापासून काही अंतरावर शेतात आहे. रात्री अकराच्या सुमारास ६ ते ७ अज्ञात दरोडेखोरांनी घरावर दरोडा टाकला. यावेळी तायडे कुटुंबीयांनी दरोडेखोरांना रोखण्याचा प्रयत्न केला असता दरोडेखोरांनी सोबत आणलेल्या चाकूने तायडे कुटुंबावर हल्ला चढवला. यामध्ये वैभव मारोती तायडे(२८), गौरव मारोती तायडे (२५) , सौ. सुधाबाई मारोती तायडे(६५) आणि ज्योती मारोती तायडे(४५) असे चौघे गंभीर जखमी झाले आहेत. त्यांच्यावर खामगावच्या जिल्हा सामान्य रुग्णालयात उपचार सुरू आहेत. दरोडेखोरांनी तायडे यांच्या घरातील सोने ,चांदी व रोख रकमेवर डल्ला मारला. यावेळी दरोडेखोरांनी सोबत आणलेली एक मोटारसायकल (एम एच २८, ए टी १८७९) घटनास्थळीच ठेवली. घटनेची माहिती मिळताच पोलिसांनी घटनास्थळी धाव घेतली असून दरोडेखोरांचा शोध सुरू आहे.