पिंपरखेडच्या रविकांत विरुद्ध अमडापूर पोलीस ठाण्यात गुन्हा! चुकीचे काम करतांना गवसला...

प्राप्त माहितीनुसार, अमडापूर हद्दीतील पिंपरखेड गावात अवैध प्रकारे दारूची हातभट्टी सुरू असल्याची खात्रीलायक माहिती अमडापुर पोलीसांना मिळाली. त्यांनतर पोलिसांनी ही बाब ठाणेदारांला कळवली. आदेश मिळताच पुढील कारवाई करीता पोलीसकर्मचारी घटनास्थळी निघाले. गावात आल्यावर पोलिसांनी आपली वाहने बसस्थानक परिसरात लावली. पुढे गेल्यानंतर ग्रामस्थ रामेश्वर जुमडे यांच्या घराजवळ रविकांत जुमडे हाती कॅन घेऊन उभा होता.त्यावेळी पोलिसांनी पाहणी केली असता हातभट्टी दिसून आली.रविकांत जुमडेची झडती घेतल्यानंतर परवाना नसल्याचे निष्पन्न झाले. त्यानुसार अमडापुर पोलीस ठाण्यात रविकांत जुमडे यांच्यावर दारूबंदी कायद्यानुसार कलम ६५ इ अन्वये गुन्हा दाखल करण्यात आला. व जागेवरच कोर्टात हजर राहण्याचे सूचनापत्र देत त्याला सोडण्यात आले असल्याची माहिती आहे.