चिखलीच्या पुजा सोबत जे झालं तेच देऊळगाव माळीच्या राधिकासोबत! गळफास घेऊन संपवले जीवन! ८ महिन्यांची चुमकली झाली पोरकी

 याप्रकरणी पोलिसांनी राधिकाच्या पतीसह सासरकडील पाच जणांना अटक केली आहे. दीड वर्षाआधी राधिकाचा विवाह पवन खेत्री याच्यासोबत झाला होता.मात्र विवाह झाल्यानंतर तिला सासरी सुख मिळत नव्हते. राधिकाला सतत माहेर वरून पैसे आण असा तगादा लावण्यात येत होता. याशिवाय राधिकाच्या नवऱ्याचे बाहेर अफेयर होते. त्यामुळेही तो तिच्याशी विचित्र वागायचा असे तक्रारीत म्हटले आहे. 
तिचा प्रचंड शारीरिक व मानसिक छळ सासरच्या लोकांनी केला. अखेर या त्रासाला कंटाळून तिने जगाचा निरोप घेतला. मनमिळावू स्वभावाच्या राधिकाने टोकाचे पाऊल उचलल्याचे परिसरात हळहळ व्यक्त होत असून समाजमन सुन्न झाले आहे.