किराणा दुकानदाराच्या पाठीत खंजीर खुपसला! चिखली शहरातील खळबळजनक घटना!

प्राप्त माहितीनुसार ऋषिकेश मदन शिंदे यांचे चिखली शहरातील आठवडी बाजारात किराणा दुकान आहे. ते दुकानात काम करीत असताना चिखली येथील दिवाणी न्यायालयाजवळ राहणारे शाहरुख, त्याची आई जोवराबाई आणि शाहरुखचा मधवा भाऊ असे तिघे ऋषिकेश च्या दुकानासमोर आले.  ऋषिकेश बील बनवत असताना शाहरुखच्या मधव्या भावाने ऋषिकेशच्या पाठीत खंजीर खुपसला.

खंजीर पाठीत सोडून तिघेही पळून गेले.  त्यांनी आधी अनेकदा किराणा दुकानातून उधारीत समान नेले होते, त्याचे पैसे मागितल्याने त्यांनी हल्ला केल्याचे ऋषिकेश ने आपल्या जबाबात म्हटले आहे. ऋषिकेश वर सध्या बुलडाणा येथे उपचार सुरू असून त्याच्या जबबावरून तिघांविरुद्ध खुनाचा प्रयत्न केल्याप्रकरणी गुन्हा दाखल केला आहे.