भरधाव कंटेनरने मोटरसायकलला उडवले! दवाखाना आटोपून घराकडे जाणाऱ्या युवकाचा मृत्यू! १ जण गंभीर! चिखलीच्या एमआयडीसीजवळील घटना

अनिल दामोधर गवई (३४) असे अपघातात ठार झालेल्या युवकाचे नाव असून भिकाजी उकर्डा गवई(२९)  हा गंभीर जखमी झाला. दोघेही चिखली तालुक्यातील खैरव येथील राहणारे आहेत. दोघे चिखलीला दवाखान्याच्या कामासाठी आले होते. मोटारसायकलने संध्याकाळी घराकडे परत असताना एमआयडीसी जवळ असणाऱ्या हॉटेल हंडीबाग समोर भरधाव कंटेनरने दुचाकीला जबर धडक दिली. या अपघातात अनिल गवई घटनास्थळी ठार झाला असून भिकाजी गवई गंभीर जखमी झाला असून त्याच्यावर उपचार सुरू आहेत.  अपघातास कारणीभूत ठरलेल्या कंटेनरला चिखली पोलिसांनी ताब्यात घेतले असून पुढील तपास सुरू आहे.