खळबळजनक! मलकापूर पांग्रा पेट्रोल पंपावर दरोडा: कुऱ्हाड, चाकूचा धाक दाखवून पाच लाख रुपये घेऊन दरोडेखोर पसार; सुलतानपुरच्या पेट्रोलपंपावर राडा,
मलकापूर पांग्रा पेट्रोल पंपावर दरोडा टाकण्यात आल्याची माहिती मिळताच साखरखेर्डा पोलीस स्टेशनचे कर्मचारी घटनास्थळी दाखल झाले. त्यांनी घटनास्थळाची पाहणी केली. सीसीटीव्ही फुटेज पोलिसांनी तपासले असून त्या आधारे दरोडेखोरांचा युद्ध पातळीवर शोध घेण्यात येत आहे..
नेमकं काय घडलं?
मलकापूर पांग्रा परिसरात असलेला श्रीयान पेट्रोल पंपावार रात्री नऊ साडेनऊच्या दरम्यान वाहतुकीची वर्दळ कमी असल्यामुळे कामगार ऑफिसमध्ये आराम करत होते. याच दरम्यान पेट्रोल पंपावर चार दरोडेखोर आले व कामगारांना मारहाण करण्यास सुरुवात केली तर एका दरोडेखोराने कॅमेरा फोडण्याचा प्रयत्न केला.. याच दरम्यान ऑफिस मधील आतील भागातील दरवाजा फोडून पाच लाख रुपये लुटून चोरटे पसार झाले..
सुलतानपुरात राडा..
दरम्यान मलकापूर पांग्रा येथील घटनेनंतर काही वेळातच दरोडेखोरांनी सुलतानपूर गाठले. तिथल्या कालिंका पेट्रोलपंपावर दरोडेखोरांनी दरोडा टाकण्याच्या प्रयत्न केला. मात्र पंपावरील कर्मचारी आणि दरोडेखोरांत झटापट झाली. यावेळी एका कर्मचाऱ्यावर दरोडेखोरांनी तीक्ष्ण हत्याराने वार केले. कर्मचाऱ्यांनी देखील दरोडेखोरांची गाडी फोडल्याने दरोडेखोर गाडी घटनास्थळी ठेवून पसार झाले. दरम्यान दरोडेखोरांचे धागेदोरे हाती लागले असून लवकरच दरोडेखोर आमच्या ताब्यात असतील अशी माहिती साखरखेर्डा पोलीस स्टेशनचे ठाणेदार जितेंद्र आडोळे यांनी दिली.