चिखली तालुक्यातील लोक सोनाराच्या दुकानांत गर्दी करत आहेत! अंगावर दागिने घालण्याची हौस असणाऱ्या महिल्या म्हणतात नको रे बाबा, काढून ठेवलेले परवडले! का घडतंय असं, वाचा....
अंढेरा, अमडापुर, आणि चिखली पोलीस ठाण्याअंतर्गत येणाऱ्या गावांमध्ये चोरट्यांनी धुमाकूळ घातल्याचे गावकऱ्यांचे म्हणणे आहे. काही गावांत तर चोरांच्या भीतीने नागरिकांनीच जागून गस्त घालने सुरू केले आहे. यांनी, बघितला, त्यांनी बघितला ,दोन जण होते, पाच जण होते अशा चर्चा गावागावात रंगत असल्या तरी चोरांना रंगेहाथ पकडण्यात कुणालाही यश आले नाही. गेल्या महिनाभरात चिखली तालुक्यातील अनेक गावांत छोट्या मोठ्या चोऱ्यांच्या अनेक घटना घडल्या आहेत. यात सोन्याच्या दागिन्यांनापासून ,रोख रक्कम तर काही घरातील फ्रिज मधील अन्न पदार्थांवर चोरट्यांनी ताव मारल्याच्या घटना घडल्या आहेत.
अंगावर दागिने नको रे बाप्पा..!
दरम्यान चोरट्यांचा ऐकीव धुमाकूळ पाहता नागरिकांनी घरातील दागिने , महिलांच्या अंगावरील दागिने सोनारांकडे तर काहींनी बँकात गहाण ठेवणे सुरू केले आहे. त्यामुळे दागिने खरेदी करणाऱ्यापेंक्षा दागिने गहाण ठेवण्यासाठी सोनाराच्या दुकानात गर्दी होत असल्याचे सराफा व्यापाऱ्यांनी सांगितले.