वासनांध विकृत मामाच्या करामती! स्वयंपाकासाठी घरी बोलवून अल्पवयीन सख्या भाचीवर केला बलात्कार! आता होणार भाचीच्या बाळाचा बाप! मोताळा तालुक्यातील खळबळजनक घटना
प्राप्त माहितीनुसार पिंपळगाव राजा पोलीस स्टेशनच्या हद्दीत येणाऱ्या मोताळा तालुक्यातील एका गावात हा प्रकार समोर आलाय. ३० वर्षीय बलात्कारी मामा स्वतःच्या भाचीला वेगवेगळ्या बहाण्याने अनेकदा घरी बोलवत होता. घरी कुणी नसल्याची संधी पाहून त्याच्यातला राक्षस जागृत होत होता. त्यानंतर अतिशय निर्दयीपणे तो भाचीवर बलात्कार करायचा. घडला प्रकार कुणाला सांगितल्यास जिवे मारीन अशी धमकी देखील त्याने भाचीला दिली होती.
धमकीमुळे पीडित मुलीने घडला प्रकार कुणाला सांगितला नाही. मात्र दोन दिवसांआधी पीडित मुलीला अस्वस्थ वाटू लागल्याने तिला दवाखान्यात नेल्यानंतर तपासणीअंती ती गरोदर असल्याचे समोर आले. त्यामुळे मुलीच्या आईने विश्वासात घेऊन विचारपूस केल्यावर घडला प्रकार समोर आला. त्यानंतर तातडीने पिंपळगाव राजा पोलीस ठाण्यात तक्रार दिल्यानंतर गुन्हा दाखल करण्यात आला असून बलात्कारी मामाला पोलिसांनी अटक केली आहे.