सलाईनद्वारे द्यायचे इंजेक्शन दंडात टोचले! रुग्णाचा हात कामातून गेला; चिखलीच्या ग्रामीण रुग्णालयातील प्रकार! ड्युटी ऑफिसर व परिचारिकेवर कारवाई करण्याची स्वाभिमानी शेतकरी संघटनेची मागणी

 चिखली येथील विष्णू नारायण राऊत हे व्हायरल फिव्हर ने आजारी असल्याने २८ ऑगस्ट रोजी उपचारासाठी शासकीय रुग्णालयात गेले होते. चिठ्ठी घेऊन ते कर्तव्यावर असलेल्या डॉक्टरांकडे गेले. मात्र डॉक्टरांनी त्यांना तपासले नाही. त्यानंतर परीचारीकेने  सलाईन मध्ये देण्याचे इंजेक्शन दंडात चुकीच्या पद्धतीने टोचले.

त्यामुळे रुग्णाचा तो हात गंभीरपणे दुखत असून त्या हाताला अपंगत्व आल्याचे रुग्णाचे म्हणणे आहे. डॉक्टर आणि परिचारिकेच्या निष्काळजीपणामुळे रुग्णाला आपला हात गमवावा लागल्याने त्यांच्याविरुद्ध नियमाने कठोर कारवाई करण्याची मागणी स्वाभिमानी शेतकरी संघटनेचे नितीन राजपूत यांनी जिल्हा शल्य चिकित्सकांकडे केली आहे.