भाच्याचे मामीसोबत होते प्रेमसंबंध!; पळूनही गेले होते; मामाला माहीत झाल्यावर दिल्या धमक्या! भाच्याने केली आत्महत्या!; महिनाभरानंतर घर साफ करतांना सापडली सुसाईड नोट; मोताळा तालुक्यातील खळबळजनक घटना!
लिहा येथील रविंद्र उर्फ दीपक गुलाबराव चरावंडे याचे त्याच्या मामीसोबत( ३५) प्रेमसंबंध निर्माण झाले. अनेकदा कामानिमित्त मामीला घेऊन तो बाहेरगावी जायचा त्यामुळे दोघांमध्ये जवळीक वाढली. मात्र या नात्याची कुणकुण मामाला लागल्याने मामा आणि भाच्याचे वाद होऊ लागले. त्यामुळे रविंद्र आणि त्याची मामी मार्च महिन्यात घरून पळून गेले..भाचा आणि मामी भुसावळला राहत असल्याचे कळल्यावर नातेवाईकांनी दोघांना पुन्हा परत आणले..मात्र या प्रकारानंतर मामा भाच्याचे वितुष्ट प्रचंड वाढले. मामा भाच्याला वारंवार फोन करून धमक्या देऊ लागल्या..
"एकतर तू आत्महत्या कर नाहीतर मी माझ्या बायकोला मारून तुझ्या नावाची चिठ्ठी लिहून तुला फसवतो" अशी धमकी रविंद्रचा मामा त्याला वारंवार देऊ लागला. या धमक्यांना कंटाळून अखेर रविंद्रने ३० मार्च २०२२ रोजी गळफास घेऊन आत्महत्या केली..
याप्रकरणी धामणगाव बढे पोलीस ठाण्यात आकस्मीक मृत्यूची नोंद करण्यात आली होती. दरम्यान काल, घराची साफसफाई करीत असतांना टिव्हीमागे रविंद्रने लिहून ठेवलेली चिठ्ठी सापडली..अन् हा सारा घटनाक्रम समोर आल्याने एकच खळबळ उडाली..मामाच्या त्रासाला कंटाळून आत्महत्या केल्याचे रविंद्रने लिहून ठेवल्याने त्याच्या मामाविरुद्ध धामणगाव बढे पोलीस ठाण्यात गुन्हा दाखल करण्यात आला. तपास पोलीस उपनिरीक्षक श्री गद्रे करीत आहेत.