मोताळा तालुक्यातील अंत्री शिवारात बिबट्याचा धुमाकूळ! बैल खाल्ला; शेतकऱ्यांमध्ये भीतीचे वातावरण..

सध्या शेतकऱ्यांची रब्बी हंगामातील पिकांची पेरणी व ओलीतीची कामे सुरू आहेत. दरम्यान अंत्री देशमुख येथील शेतकरी राजेंद्र जवरे यांच्या शेतातील गोठ्यात असलेल्या बैलावर १२ नोव्हेंबरच्या रात्री हल्ला चढवला. या हल्ल्यात बैलाचा मृत्यू झाला. दुसऱ्या दिवशी सकाळी जनावरांचा चारा पाणी करण्यासाठी गेल्यानंतर राजेंद्र पवार यांच्या लक्षात ही बाब आली. दरम्यान १३ नोव्हेंबरच्या रात्री काही शेतकऱ्यांनी जागून पहारा दिला असता त्या रात्री सुद्धा बिबट्याचा मुक्त संचार दिसून आला. या प्रकारामुळे शेतकऱ्यांमध्ये भीतीचे वातावरण असून बिबट्याचा बंदोबस्त करण्याची मागणी शेतकऱ्यांनी केली आहे.