२ लाखांचे कर्ज! बुलडाणा तालुक्यातील जामठीत कर्जबाजारी शेतकऱ्याची आत्महत्या

 शेतकरी कैलास तायडे यांच्या नावावर शेकापूर शिवारात ३ एकर शेती आहे. त्यांनी एका खाजगी पत संस्थेकडून २ लाखाचे कर्ज घेतले होते. मागील काही दिवसांपासून ते कर्जपायी त्रस्त होते. अशातच त्यांनी टोकाचा निर्णय घेत गळफास लावून आत्महत्या केली. माहिती मिळताच धाड पोलिसांनी घटनास्थळी धाव घेऊन पंचनामा व शवविच्छेदनासाठी धाड ग्रामीण रुग्णालय येथे त्यांचे प्रेत पाठविले. याप्रकरणी धाड ठाण्यात आकस्मिक मृत्यूची नोंद घेण्यात आली आहे. जामठी परिसरात या शेतकरी आत्महत्या मुळे हळहळ व्यक्त करण्यात येत आहे.