BIG BREKING बुलडाण्यात रक्तपात! दोन गटात तुफान हाणामारी! चाकूहल्यात तिघे गंभीर! एकाचे लिव्हर फाटले! दुसऱ्याच्या किडनीपर्यंत घुसला चाकू! शहरात तणाव!

प्राप्त माहितीनुसार बुलडाणा शहरातील गजानन टॉकीज जवळ ही घटना घडली. गजानन टॉकीज जवळील महावीर किराणा दुकानमालक अग्रवाल यांचे कुख्यात गुंड समाधान मोरे याच्या नातेवाईकाशी पैशाच्या व्यवहारावरून वाद झाला. यावेळी हा वाद सोडविण्यासाठी संतोष पाटील( जुनागाव) यांनी मध्यस्थी केली. मात्र समाधान मोरे आणि त्याचा भाचा रितेश आणि त्याच्या साथीदारांनी संतोष पाटील यांना बेदम मारले. ही बातमी कळताच संतोष पाटील यांचा मुलगा तुषार व त्याचा मित्र सनी पवार तिथे आले. यावेळी दोन्ही गटात तुफान हाणामारी झाली.

यावेळी सनी पवार याचे वडील संजू पवार हे तिथेच असल्याने मुलाला वाचविण्यासाठी ते मध्ये पडले. मात्र त्याच वेळी समाधान मोरे गटाकडून चाकूहल्ला करण्यात आला.  या हल्ल्यात तुषार पाटील यांच्या पोटात चाकू खुपसल्याने त्याचे लिव्हर फाटल्याचे सांगण्यात येत आहे तर संजू पवार यांच्या पोटातही चाकू खुपसण्यात आल्याने ते गंभीर जखमी झालेत. दोघांनाही तातडीने औरंगाबाद येथे हलविण्यात आले आहे तर सनी पवार याच्यावर शहरातील खाजगी रुग्णालयात उपचार सुरू आहेत. घटनेची माहिती मिळताच पोलिसांनी घटनास्थळी धाव घेतली असून आरोपी घटनास्थळावरून फरार झाली असून पोलीस आरोपींचा शोध घेत आहेत.