मराठा आरक्षणाचा वणवा जिल्ह्यातही भडकणार? आज देऊळगावमहीत रास्तारोको...

खामगावात २ दिवसांपासून उपोषण सुरू आहे. राहेरी, ताडशिवणी या गावात नेत्यांना प्रवेशबंदी करण्यात आली आहे. मराठा आरक्षणाच्या आंदोलनाच्या पार्श्वभूमीवर रविकांत तुपकर यांनी त्यांची सोयाबीन कापूस उत्पादक शेतकऱ्यांच्या मागण्यांसाठीची एल्गार रथयात्रा तूर्तास स्थगित केली आहे. अशातच आज,३१ ऑक्टोबरला देऊळगावमही येथे रास्तारोको आंदोलन करण्यात येणार आहे.आज सकाळी १० वाजता देऊळगावमहीच्या छत्रपती शिवाजी महाराज चौकात मराठा समाज व धनगर समाज बांधवांच्या वतीने रास्तारोको करण्यात येणार आहे. मनोज जरांगे यांच्या उपोषणाला पाठिंबा म्हणून हा रास्तारोको करण्यात येणार आहे..दरम्यान मराठा आरक्षणाच्या आंदोलनाला मिळत असलेला पाठींबा पाहता होत असलेल्या आंदोलनांच्या पार्श्वभूमीवर जिल्हाभरात पोलिसांना सतर्क राहण्याच्या सूचना देण्यात आल्या आहेत.