क्या बात! मंगेश भारसाकळेंच्या उपोषणाला ऐतिहासिक यश! पुण्यातील आंतरराष्ट्रीय विमानतळाला मिळणार जगद्गुरु संत तुकाराम महाराजांचे नाव...

 याच महिन्यात ९ ऑगस्ट पासून क्रांती दिनाच्या पर्वावर मंगेश भारसाकळे खामगाव येथे अनिश्चित कालीन आमरण उपोषण केले होते. पुणे येथील विमानतळास जगद्गुरु संत तुकाराम महाराज यांचे नाव देण्यात यावे अशी प्रमुख मागणी यावेळी त्यांनी केली होती. शिवाय हीच मागणी घेऊन श्री भारसाकळे यांचा लढा २०११ पासून सुरू होता. २०२२ मध्ये छत्तीसगडचे माजी मुख्यमंत्री भूपेश बघेल, काँग्रेसचे प्रदेशाध्यक्ष नाना पटोले यांच्या प्रमुख उपस्थितीत झालेल्या ओबीसी मेळाव्यात श्री भारसाकळे यांनी हा प्रस्ताव पूर्ण ताकदीने मांडला होता. मध्यल्या काळात हा विषय मागे पडल्याने मंगेश भारसाकळे यांनी पुन्हा या विषयाला धरून आंदोलन पेटवले होते. आता स्वतः केंद्रीय विमान वाहतूक मंत्र्यांनी या विषयाचा प्रस्ताव राज्य सरकारकडे मागितल्याने पुणे येथील विमानतळाला जगद्गुरु संत तुकाराम महाराज यांचे नाव मिळण्याचा मार्ग मोकळा झाला आहे.

लढ्याला यश; लवकरच मंगेश भारसाकळे यांचा नागरी सत्कार...

मंगेश भारसाकळे यांनी अतिशय ताकदीने हा विषय लावून धरला. वेळोवेळी या विषयाचा ते पाठपुरावा ते करीत राहिले. आता लढ्याला यश मिळत असल्याने कुणबी समाज बांधवांच्या वतीने लवकर मंगेश भारसाकळे यांच्या नागरी सत्काराचे आयोजन करण्यात येणार आहे...