फोन घेऊन घेऊन वैतागले ग्रामविकास अधिकारी! विश्वास काटकर समजून राज्यभरातून येतायेत फोन; लोक विचारतात, साहेब किती खोके घेतले?

नेमके काय झाले हे तांबारे यांच्या आधी लक्षात नाही आले. मात्र फोन ,मॅसेज ची संख्या वाढल्यानंतर खरा प्रकार त्यांच्या धान्यात आला. काहींनी व्हॉट्सॲप अप वर मॅसेज करून साहेब तुम्ही किती खोके घेतले? तुम्ही आमचा विश्वासघात केला, आमचा संप आम्ही सुरूच ठेवणार असे मॅसेज केलेत. मी आता उत्तर देऊन देऊन थकलोय अशी प्रतिक्रिया तांबारे यांनी बुलडाणा लाइव्ह ला दिली.

कर्मचाऱ्यांचा काटकरांवर आरोप..!
   
राज्यातील सरकारी कर्मचाऱ्यांना विश्वासात न घेता विश्वास काटकर यांनी संप मिटवल्याचा आरोप कर्मचारी करीत आहेत. ३ महिन्यात जुन्या पेन्शनच्या मुद्द्यावर निर्णय घेणार असल्याचे मुख्यमंत्र्यांनी लेखी दिले असले तरी ३ महिने सरकार टिकेल का? असाही प्रश्न सरकारी कर्मचाऱ्यांच्या वतीने उपस्थित करण्यात येत आहे. जोपर्यंत जुनी पेन्शन संदर्भात शासकीय निर्णय येत नाही तोपर्यंत संप मागे घेणार नसल्याची भूमिका काहींनी घेतली, एकंदरीत या मुद्द्यावर आता सरकारी कर्मचाऱ्यांत दोन गट पडल्याचे चित्र आहे.