टिप्परवाल्याने घेतला ४ वर्षीय चिमुकल्याचा बळी! शाळेत जाणाऱ्या विद्यार्थ्यांच्या ऑटोला उडवले! ३ विद्यार्थी गंभीर जखमी; नांदुरा तालुक्यातील घटना! अवैध रेतीमाफियांना अभय कुणाचे?

 प्राप्त माहितीनुसार शेंबा येथील सरस्वती कॉन्व्हेन्ट मध्ये शिकणाऱ्या विद्यार्थ्यांना घेऊन जवळा बाजार येथील ऑटो शेंबा गावाकडे जात होता. त्यावेळी टिप्परने ऑटोला जबर धडक दिली. या अपघात अभिषेक चा जागीच मृत्यू. ऑटोतील  अन्य ३ विद्यार्थी गंभीर जखमी असून एकाला अकोल्याला हलविण्यात आले आहे. प्राप्त माहितीनुसार याच टिप्परने काही दिवसाआधी एकाचा बळी घेतला होता. या भागात रेतीची अवैध वाहतूक होते. रेतीमाफिया पैसे कमवण्याच्या नादात कुणाच्या जीवाची पर्वा करीत नाहीत, मात्र या भागात रेतीमाफियांचा सामान्यांच्या जीवावर बेतणारा एवढा सुळसुळाट सुरू असला तरी महसूल प्रशासन आणि पोलीस प्रशासन का गप्प आहे असा प्रश्न सर्वसामान्यांना पडला आहे.