दहिद बु च्या ग्रामपंचायतला हिंदुसूर्य महाराणा प्रतापसिंह जयंतीचा विसर! सरपंच म्हटले,पत्नी आजारी होती; गावकऱ्यांचे जिल्हाधिकाऱ्यांकडे निवेदन,कारवाईची मागणी

 
dfghj
बुलडाणा( बुलडाणा लाइव्ह वृत्तसेवा): बुलडाणा तालुक्यातील दहिद बु येथील ग्रामपंचायत कार्यालयाला हिंदुसूर्य महाराणा प्रतापसिंह जयंतीचा विसर पडल्याचे दिसून आले. २२ मे रोजी संपूर्ण देशभरात महाराणा प्रतापसिंह यांची जयंती उत्साहात साजरी झाली. बुलडाणा जिल्हाधिकारी कार्यालयात देखील अप्पर जिल्हाधिकाऱ्यांनी महाराणा प्रतापसिंह यांना अभिवादन केले,  दहिद बु ग्रामपंचायत कार्यालयात मात्र हिंदुसूर्य महाराणा प्रतापसिंह जयंती साजरी करण्यात आली नाही. गावातील तरुणांनी याबद्दल संताप व्यक्त केलाय. तरुणांनी "बुलडाणा लाइव्ह" ला याबाबत अवगत केले. "बुलडाणा लाइव्ह" ने तात्काळ दहिद बु च्या सरपंचांना विचारणा केली, त्यावेळी पत्नी आजारी होती. १० - १५ वर्षांपासून कधी महाराणा प्रतापसिंह जयंती साजरी झाली नाही, त्यांनी म्हटले असते तर केली असती असे उत्तर दिले.
 

गावकऱ्यांनी याप्रकरणाची तक्रार जिल्हाधिकाऱ्यांकडे केली आहे. ग्रामपंचायत कार्यालयात शासन निर्णयाप्रमाणे महापुरुषांची जयंती  साजरी करणे अनिवार्य आहे. परंतु दहिद बु येथील सरपंच अर्जुन दांडगे हे जातीय द्वेष निर्माण करून महामानवांच्या नावावर राजकारण करत आहे. काही ठराविक जयंत्या साजऱ्या करतात, परंतु काही सदस्यांनी जयंती साजरी केली तरी सरपंच अर्जुन दांडगे गैरहजर राहतात. जयंतीला उपस्थित राहत नाही व स्वतःहून जातीय तेढ निर्माण करण्याचा प्रयत्न करतात व काही महामानवांच्या जयंती साजरा करू देत नाहीत असा स्पष्ट  आरोप जिल्हाधिकाऱ्यांकडे दिलेल्या निवेदनात केला आहे. सरपंच ,ग्रामसेवक व सदस्यांची योग्य ती चौकशी करून गटविकास अधिकारी यांना सरपंच व ग्रामसेवक यांच्यावर योग्य ती कार्यवाही करण्याचे निर्देश द्यावे असेही निवेदनात म्हटले आहे. निवेदनावर शिवसेनेचे जिल्हाप्रमुख ओमसिंग राजपूत यांच्यासह ग्रामस्थांच्या सह्या आहेत.