सर्पदंशाने किन्ही नाईकच्या महादेवचा मृत्यू!सकाळ होण्यापूर्वीच झाला जीवनाचा अस्त...

अमडापूर पोलीस ठाणे हद्दीतील किन्ही नाईक येथील महादेव डाकोरे (वय ३०) हे गावाजवळ असलेल्या शेतात परिवारासह राहतात. दरम्यान, १८ मार्चला सकाळी साडेसहा वाजेच्या सुमारास ते झोपेत होते. त्यांच्या डाव्या हाताला सापाने चावा घेतला. यामुळे ते जागे झाल्यावर हातातून रक्त निघत असल्याचे लक्षात आले.

यामुळे नातेवाईकांनी त्यांना बुलडाणा येथील जिल्हा सामान्य रुग्णालयात भरती केले. मात्र, उपचारा दरम्यान त्यांचा मृत्यू झाला. बुलडाणा शहर पोलिसांनी आकस्मिक मृत्यूची नोंद घेतली आहे.