तपोवन देवी परिसरातून हरवलेल्या राधिकाचा मृतदेहच सापडला! दगडाने ठेचले..कुणी केली हत्या?

अकोला जिल्ह्यातील बाळापूर येथील विलास इंगळे एका लग्नासाठी चिखलीला आले होते, काल ते तपोवन ला गेले होते. त्याच वेळी त्यांची मुलगी राधिका तिथून गायब झाली होती. सगळीकडे शोध घेऊनही राधिका सापडली नव्हती. त्यामुळे कुटुंबीयांनी अंढेरा पोलीस ठाण्यात तक्रार दिली होती. पोलिसांनी अपहरणाचा गुन्हा दाखल केला होता. मुलीच्या शोधासाठी पोलिसांनी आवाहन देखील केले होते. अखेर आज दुपारी अडीच वाजेच्या सुमारास राधिकाचा मृतदेह आढळला. तिच्या चेहऱ्यावर दगडाने ठेचून तिची हत्या केल्याचे दिसत आहे.

राधिका ची हत्या कुणी आणि का केली याबाबत नेमकी माहिती अद्याप समोर येऊ शकली नाही. ६ वर्षाच्या रधिकाचे कोण शत्रू होते, निरागस मुलीची हत्या करण्याचे कारण काय असावे याबाबत पोलीस तपास करीत आहेत.