इसरुळ देऊळगाव घूबे रस्त्यावरील 'ते' झाड ठरले धोकादायक!

प्राप्त माहितीनुसार, इसरुळ देऊळगाव घुबे मार्गे चिखली जाण्यासाठी हा महत्वाचा रोड आहे. गवखेड्यातील लोकांना नेहमीच या रस्त्याने जावे लागते. परंतु रस्त्यालगत उन्मळून पडलेल्या झाडापासून धोका निर्माण झाला आहे. यामुळे अपघात नाकारत येत नाही. प्रवाशांना जीव मुठीत घेऊन प्रवास करावा लागतो. सदर रस्त्यावरील उन्मळलेले झाड त्वरित काढून टाकण्यात यावे. व गावकऱ्यांचा मार्ग सुरळीत करावा अशी मागणी इसरुळ सरपंच सतीश भुतेकर यांनी केली आहे. अन्यथा आंदोलन करण्याचा इशाराही त्यांनी दिला.