भीषण अपघात! ईर्टीगाने उडवले,पीक अपने चिरडले; दुचाकीस्वार तिघांचा जागीच मृत्यू! दोघे गंभीर जखमी;देऊळगाव साकर्शा जवळ रात्री ८ ला झाला अपघात! उसाचा रस प्यायला ट्रीपल सीट जात होते..

लक्ष्मण गवळी (२७) इरफान शेख हुसेन(३५) आणि सचिन नहार (३४) अशी अपघातात ठार झालेल्यांची नावे आहेत. तिघेही दुचाकीने उसाच्या मळ्याजवळ रस प्यायला जात होते. जानेफळ कडून देऊळगाव साकर्शा कडे जाणाऱ्या ईर्टिगा कारने दुचाकीला धडक दिली. दुचाकीवरील तिघेही खामगाव कडून लग्नाचे आंधन भांडे घेऊन येणाऱ्या पिकअप वाहनाखाली चिरडले. ईर्टिगा कार चालकाचे नियंत्रण हुकल्याने कार पिकअप वाहनाला धडकून पलटी झाली. या अपघातात पिकअप चालक आणि कारचालक देखील गंभीर जखमी झाला आहे. घटनेची माहिती मिळताच जानेफळ पोलिसांनी घटनास्थळी धाव घेतली. अपघातातील गंभीर जखमीला अकोल्याला हलविण्यात आले आहे. पुढील तपास जानेफळ पोलीस करीत आहेत.