"असोला मर्डर" प्रकरणात चक्रावून टाकणारे अपडेट! खून झालेली तरुणी विवाहिता! गळा आवळला, डोक्यात दगड टाकला नंतर तिच्या अंगावरचे कपडे चेहऱ्यावर टाकून पेटवले!

 

मृतक तरुणीचे वय अंदाजे १९ ते २५ या वयोगटातील असावे असा अंदाज आहे. तरुणीचा आधी गळा आवळण्यात आला, डोक्यात मागील बाजूला दगडाचा वार करण्यात आला, आणि तरुणीच्या अंगातील कपडे तिच्या चेहऱ्यावर टाकून जाळण्यात आले असे प्रथमदर्शनी दिसत आहे. तरुणीचा मृतदेह नग्न अवस्थेत आहे, तिला मारण्याआधी बलात्कार केला असावा असा संशय पोलिसांनी व्यक्त केला..दरम्यान घटनास्थळी तूप आणि दिव्याची वात देखील सापडली आहे, त्यामुळे हे सगळे प्रकरण चक्रावून टाकणारे आहे. घटनास्थळाकडे जाणाऱ्या रस्त्यात एक नारळ देखील सापडल्याचे पोलीस सूत्रांनी सांगितले.

ओळख पटविण्याचे आवाहन...

तरुणीच्या गळ्यात मंगळसूत्र आढळल्याने ती विवाहिता असावी, तिच्या उजव्या हातात केशरी धागा बांधलेला आहे तर त्याच हातावर दिलं चे चिन्ह असल्याचे आढळून आले. घटनास्थळी फुटलेल्या लाल बांगड्या देखील आढळून आल्या.तर नखांवर लाल रंगाचे नेलपॉलिश केलेले आहे..अशा वर्णनाची तरुणी/ विवाहिता ओळखीची असेल तर पोलिसांशी संपर्क साधण्याचे आवाहन करण्यात आले आहे..