धक्कादायक! जांभूळ खाण्यासाठी झाडावर चढणे जीवावर बेतले;फांदी तुटल्याने झाडावरून पडला कोलवडचा शुभम; जागीच मृत्यू...

  शुभम गजानन गवई असे मृतक बालकाचे नाव आहे. कोलवड गावाला लागून असलेल्या एका शेतातील जांभळाच्या झाडावर चढून तो जांभूळ तोडण्याचा प्रयत्न करत होता. दरम्यान, झाडाची फांदी तूटल्यामुळे शुभम खाली कोसळला. यात त्याच्या डोक्याला गंभीर दुखापत झाली. शुभमला परिसरातील लोकांनी तात्काळ बुलडाणा येथे जिल्हा सामान्य रुग्णालयात आणले. मात्र, उपचारादरम्यान डॉक्टरांनी शुभमला मृत घोषित केले. याप्रकरणी बुलडाणा शहर पोलीस ठाण्यात आकस्मिक मृत्यूची नोंद करण्यात आली आहे. या घटनेने संपूर्ण कोलवड परिसरात हळहळ व्यक्त होत आहे.