धक्कादायक! बुलडाण्याच्या तरुणाचा ओरिसात शॉक लागून मृत्यू; गणपती आगमनाच्या मिरवणुकीत झेंड्याच्या लोखंडी पाईपचा विजेचा तारांना झाला स्पर्श! MSC ची योगाचे शिक्षण घेत होता..

सोहम कटक येथे एमएससी योगाचे शिक्षण घेत होता. काल श्री गणेश आगमनाच्या मिरवणुकीत तो सहभागी झाला होता. एका मोठ्या वाहनातून मिरवणूक सुरू असताना सोहम हातातील भगवा ध्वज फडकवत होता. त्याच वेळी वरून जाणाऱ्या विजेच्या तारांना त्याच्या हातातील लोखंडी पाईप चा स्पर्श झाला आणि काही क्षणात तो खाली कोसळला. त्याला स्थानिक हॉस्पिटल मध्ये नेण्यात आले मात्र डॉक्टरांनी त्याला मृत घोषित केले. या घटनेचा व्हिडिओ देखील कॅमेऱ्यात कैद झाला असून तो काळजी हेलावणारा आहे. या घटनेमुळे बुलडाण्यासह डोंगरशेवली गावावर शोककळा पसरली आहे.