समृद्धी महामार्गावर भीषण अपघात! भरधाव क्रेटा उभ्या आयशरला धडकली! पत्नीचा जागीच मृत्यू; पती गंभीर! पुण्यावरून नागपूरला जात होते; मेहकर तालुक्याच्या हद्दीत झाला अपघात

 प्राप्त माहितीनुसार क्रेटा वाहन (क्रमांक MH 31, 6622) ने प्रवीण हिंगणीकर (५९) व त्यांची पत्नी(४५) पुण्यावरून नागपूर जात होते. दुपारी तीनच्या सुमारास मेहकर तालुक्यातील कल्याणा नजिक उभ्या आयशर वाहनाला त्यांची गाडी धकडली. अपघात एवढा भीषण होता की वाहनाचा अक्षरशः चेंदामेंदा झाला . अपघातात हिंगणीकर यांच्या पत्नीचा जागीच मृत्यू झाला तर ते स्वतः गंभीर जखमी झाले. अपघाताची माहिती मिळताच पोलिसांनी घटनास्थळी धाव घेत पंचनामा केला. जखमींवर मेहकरतील खाजगी रुग्णालयात उपचार सुरु आहेत.