चाईल्ड पॉर्न सर्च केल्याने बुलडाणा जिल्ह्यातील तिघांना घडली अद्दल!

चाईल्ड पॉर्न पाहणे, व्हिडिओ शेअर करणे, त्याला प्रोत्साहन देणे गुन्हा आहे. लहान मुलांना लैंगिक शोषणापासून वाचविण्यासाठी केंद्र सरकाने चाईल्ड पोर्नोग्राफीवर बंदी घातली आहे. जिल्ह्यात या घटना कमी घडल्याचे चित्र आहे. सायबर पोलिसांची तुमच्या मोबाइलवर नजर असते. चाईल्ड पॉर्न सर्च करणाऱ्यांची माहिती लगेच सायबर पोलिसांना कळते. अशा आरोपींवर तातडीने कारवाई करण्यात येते.

मात्र या प्रकरणातील आरोपींची नावे जाहीर करण्यात येत नाहीत, अशी माहिती बुलडाणा सायबर पोलीस ठाण्याचे सहायक पोलीस निरिक्षक सुभाष दुधाळ यांनी सांगितले. जिल्ह्यात २०२० मध्ये २ जणांविरुद्ध गुन्हा दाखल करण्यात आला तर २०२१ या वर्षात १ जणाविरुद्ध गुन्हा दाखल करण्यात आला आहे. चाईल्ड पॉर्न सर्च करणाऱ्याचा दोष सिद्ध झाल्यावर कमीत कमी ५ वर्षे  शिक्षा आणि १० लाख रुपये दंड व अधिकत्तम ७ वर्षे शिक्षा आणि १० लाख रुपयांचा दंड अशी शिक्षा होऊ शकते, अशी माहिती कायदेतज्‍ज्ञ ॲड. विजय बाजड यांनी दिली.