"छत्रपतींच्या मेळ्यात" संभाजी ही होणार सहभागी! शिवजयंतीचे उद्घाटन अभिनेते खा.अमोल कोल्हे यांच्या हस्ते

बुलडाणा शहरात साजरी होणारी शिवजयंती आगळीवेगळी विक्रम प्रस्थापित करणारी ठरत आहे. शिवजयंती उत्सव समितीचे अध्यक्ष डॉ. शोन चिंचोले यांनी तर वाहून घेतल्यागत कामाला सुरुवात केली आहे. सर्व टीम त्यांना सहकार्य करीत असून हा सोहळा ऐतिहासिक करण्यासाठी प्रयत्न करत आहेत. त्यांना तितकंच उत्कट प्रतिसाद बुलडाणेकराचा मिळत आहे. शहरातील डॉक्टर्स ,व्यापारी, मुस्लिम धर्मीय आणि शिवप्रेमी असा हा "छत्रपतींचा मेळा" भरणार असून डॉक्टर खासदार अमोल कोल्हे यांच्या हस्ते १७ फेब्रुवारी रोजी सायंकाळी सहा वाजता उद्घाटन होत आहे.

विविध कार्यक्रम...

 शिवकालीन शस्त्राचे प्रदर्शन ,गड किल्ले चित्र प्रदर्शनी, व्याख्यान, पोवाडे, शिवज्योत ,सांस्कृतिक कार्यक्रम आणि भव्य दिव्य शोभायात्रा असा "भरजरी थाट" यंदाच्या शिवजयंतीला लाभला आहे. वेगवेगळ्या समित्यांची निवड ही करण्यात आली आहे. पालकमंत्री  ना. गुलाबराव पाटील, खासदार प्रतापराव जाधव, डॉक्टर राजेंद्र शिंगणे, आमदार संजय गायकवाड, आमदार धीरज लिंगाडे, जिल्हाधिकारी एचपी तूमोड, जिल्हा पोलीस अधीक्षक सारंग आव्हाड, जिल्हा परिषद मुकाअ भाग्यश्री विसपुते आदींसह राजकीय व प्रशासकीय अधिकाऱ्यांसह सामाजिक क्षेत्रातील मान्यवरांची मोठी उपस्थिती राहणार आहे. राज्यात शिवजयंतीचा आगळावेगळा प्रयोग बुलडाण्यातून सुरू झाला. हा लोकोत्सव अभिनेते खा. डॉक्टर अमोल कोल्हे यांच्या उपस्थितीने यंदा उंचीवर पोचणार आहे.