जिल्ह्याच्या सुपुत्राला राष्ट्रपतींच्या हस्ते शौर्यपदक

शौर्यपदक मिळालेले श्री. साबळे हे असे पुरस्कारप्राप्त जिल्ह्यातील दुसरे जवान ठरले असून, यापूर्वी २००२ मध्ये किन्होळा (ता. चिखली) येथील रमेश बाहेकर यांना एपीजे अब्दुल कलाम यांच्या हस्ते शौर्यपदक मिळाले होते. सामान्य शेतकरी कुटूंबात श्री. साबळे यांचा जन्म झाला होता. भारतमातेची सेवा करायची हे स्वप्न उराशी बाळगून २००६ मध्ये ते भारतीय सैन्यदलात भरती झाले होते. सीआरपीएफच्या ५३ बटालियनमध्ये कार्यरत असताना बारामुल्ला सेक्टरमध्ये त्यांनी दोन दहशतवाद्यांचा खात्मा केला होता. श्री. साबळे यांना शौर्यपदक मिळाल्यानंतर उंद्री गावात फटाके फोडण्यात आले.