राजकीय पक्ष, संघटनांनो सावधान! मोर्चे, धरणे, रॅली, आंदोलनास मज्जाव!!

हे आदेश २१ नोव्हेंबरच्या मध्यरात्री पासून लागू झाले असून त्याचा अंमल २३ नोव्‍हेंबरच्या रात्री १ पर्यंत राहणार आहे. अर्थात फौजदारी संहिता १९७३ अंतर्गतचे १४४ कलम १३ तालुका ठिकाण आणि नगरपरिषद हद्द या मर्यादेतच लागू राहणार आहे. या आदेशानुसार या क्षेत्रात ५ किंवा ५ पेक्षा जास्त व्यक्तींना एकत्र जमता येणार नाही. मात्र यातून कोविड लसीकरणास सूट देण्यात आली आहे. या आदेशाचे पालन न करणाऱ्या व्यक्ती वा संस्थेविरुद्ध १९६० च्या कायद्यातील कलम १८८ नुसार कारवाई करण्यात येणार असल्याचे आदेशात नमूद आहे.