जानेफळात ना. प्रतापराव जाधवांचा नागरी सत्कार! लाडकी बहिण योजने अर्ज भरण्याचे शिबीर पार पाडले; ना.प्रतापराव जाधव म्हणाले, ही योजना ऐतिहासिक...

 जानेफळ येथील जिल्हा परिषदेच्या प्राथमिक शाळेत लाडकी बहीण योजनेचे मोफत अर्ज प्रक्रिया शिबिर पार पडले. परिसरातील गावांमधून देखील मोठ्या संख्येने महिला सहभागी झाल्या होत्या. २१ ते ६५ वयोगटातील महिलांनी या योजनेसाठी अर्ज भरले. सकाळी ८ वाजेपासूनच या ठिकाणी गर्दी जमली होती. वेगवेगळ्या गावांसाठी वेग वेगळे कक्ष तयार करण्यात आले. यामध्ये, त्या त्या गावातील अंगणवाडी सेविकांनी ऑफलाइन पद्धतीने अर्ज भरले. प्रारंभी ना. प्रतापराव जाधव यांच्या हस्ते कार्यक्रमाची सुरुवात झाली. यावेळी मनोगत व्यक्त करताना ते म्हणाले, केंद्र आणि राज्यशासनाने महिलांना विविध योजना दिल्या आहेत. आर्थिक दृष्ट्या महिलांनी बळकट व्हावे असा या मागचा हेतू असून राज्यभरात मोठ्या संख्येने महिला योजनांचा लाभ घेत आहेत. सर्व घटकातील नागरिकांना उपयुक्त ठरेल असा अर्थसंकल्प काही दिवसांपूर्वीच जाहीर झाला. राज्य सरकार सर्व सामान्य जनतेच्या हिताचे विचार करणारे सरकार आहे. असे ते म्हणाले. याप्रसंगी मंचावर माजी आमदार डॉ. शशिकांत खेडेकर, प्रा. सचिन जाधव, शिवसेना उपतालुकाप्रमुख विश्वासराव सवडतकर, अशोक बोरकर, अशोक पसरटे, हिम्मत आवले, सचिन राजूरकर, कृष्ण हावरे, गजानन वडणकर, विजय कृपाळ, उमेश सदावर्ते, यासह अन्य पदाधिकारी उपस्थित होते.