बुलडाण्यात एकाने दिवसाढवळ्या वृध्द महिलेला फसवले, म्हणाला राशन मिळवून देतो अन्..

थोडक्यात घटनाक्रम असा की , बुधवारी पार्वताबाई शेळके(७० वर्ष, रा.शिरपूर) व्यक्तिगत कामासाठी येथील सैनिक कल्याण कार्यालयात आल्या,त्यांनतर काम आटोपल्यानंतर घरी जाण्यासाठी त्या निघाल्या मात्र, रस्त्यातच, स्टेट बँक चौक परिसरात एक अनोळखी माणूस त्यांना भेटला. आज्जी तुम्हाला राशन भेटते काय? नसेल भेटतं तर मी तुम्हाला मिळवून देतो असे म्हणुन त्याने हातातील चांदीचेकडे व मोबाईल पिशवीमध्ये ठेवायचा सांगितला. सांगितल्याप्रमाणे पार्वताबाई शेळके यांनी पिशवीमध्ये मोबाईल व कडे टाकून दिले. थोड्या वेळानंतर त्या पिशवी शोधू लागल्या तर पिशवी त्यांच्या निदर्शनास आली नाही. इतकंच नाही तर तो अनोळखी माणूस देखील नंतर दिसला नाही. त्यावरून त्यांची फसवणूक झाल्याचे लक्षात आले. त्यानंतर त्यांनी शहर पोलीस ठाण्यात तक्रार नोंदवली. आरोपीचा शोध पोलीस घेत आहेत.