चोरट्यांना देव सोडणार नाही! अंचरवाडी फाट्यावरील गजानन महाराज मंदिरातील दानपेटी फोडली

चिखली देऊळगावराजा रोडवरील अंचरवाडी फाट्याची जिल्हा वाहतूक पोलिसांकडे ब्लॅक स्पॉट म्हणून नोंद होती. अंचरवाडी फाट्यावर आतापर्यंत झालेल्या अनेक अपघातात बरेच जण मृत्यू पावलेत तर अनेक जण जायबंदी झाले आहेत. भितीदायक वाटणाऱ्या या ठिकाणी अंचरवाडी ग्रामस्थांनी छोटेसे गजानन महाराजांचे मंदिर उभारले,त्यानंतर आता याठिकाणी अपघात झालेच नसल्याचा दावा गावकऱ्यांकडून करण्यात येतो. दरम्यान आज ,१ ऑगस्टच्या सकाळी मंदिरातील दानपेटी अज्ञात चोरट्यांनी फोडल्याचे समोर आले. दानपेटीत नेमकी किती रक्कम होती याबद्दल अद्याप स्पष्टता नाही. वृत्त लिहीस्तोवर पोलिसांत तक्रार देण्यात आली नव्हती.