उत्पादन घटल्याने भाजीपाला महागला !; बुलडाण्यात कोबी, वांगे १०० रुपये किलो!

जिल्ह्यात दोन दिवसांपासून ढगाळ वातावरण आहे. गारपिटीमुळे व धुक्यामुळे फुलोरा असलेल्या पिकांचे मोठे नुकसान झाले. आधीच्या थंडीमुळे वांगे, मिरचीची फुलगळ झाली. त्यामुळे उत्पादनात मोठी घट झाली. बुलडाण्याच्या बाजारात आठवडाभरापूर्वी सरासरी २० क्विंटल वांग्याची आवक होते, ती आता घटून २ क्विंटलपर्यंत आली आहे. चिखलीच्या बाजाराचाही तीच अवस्था आहे.

असे आहेत भाव (प्रतिकिलो)
वांगे, गोबी : १००
टोमॅटो : ६०
मिरची :  ५०
मेथी :  ८०
पालक : ५०
गाजर :  ५०

शेतकरी म्हणतात
थंडीमुळे व गारपिटीमुळे दोन दिवसांत पिकांच्या काढणीवर परिणाम झाला. फुलगळ झाल्यामुळे फळधारणा होत नाही. थंडीमुळे पिके करपली आहेत. याचा परिणाम उत्पादनावर होत असल्याने भाव वाढले आहेत. महिनाभरात भाव आणखी वाढू शकतात.
- राजेंद्र जाधव, भाजीपाला उत्पादक, कव्हळा