बुलडाण्यात धरणे, मोताळ्यात जमिनीत गाढून घेतले! आदिवासी कोळी बांधव आक्रमक! म्हणाले जिल्हाधिकाऱ्यांनी पाठ फिरवली, आता तर आम्ही...

मागील काही दिवसांपासून आदिवासी कोळी महादेव समाज बांधवांची आंदोलन तीव्र स्वरूपात रूपांतर होताना दिसले. मध्यंतरी आंदोलकांनी बुलढाण्यातील बीएसएनएल टॉवरवर चढून, तसेच रस्तारोखून सरकार विरोधी निदर्शने केली. अनुसूचित जमातीचे प्रमाणपत्र मिळण्याची मागणी त्यांच्याकडून करण्यात येत आहे. संपूर्ण राज्यभर हे आंदोलन ठिकठिकाणी सुरू आहे. बुलढाणा येथे सुरू असलेल्या उपोषणाला दिवसेंदिवस वेगळे वळण पाहायला मिळाले. आज बुलडाणा येथे धरणे सुरू असतानाच एका आंदोलकाची प्रकृती खालावली. त्यावेळी समाजातील जिल्हाभरातील महिला तसेच शाळकरी मुली मोठ्या संख्येने उपस्थित होत्या.