बुलडाण्याचे 'जिजामाता'; खामगावचे 'गो.से.' प्रथम; जिल्हास्तरीय युवा महोत्सव Online उत्साहात!
महोत्सवाचे उद्घाटन जिल्हा क्रीडा अधिकारी गणेश जाधव यांनी केले. यावेळी क्रीडा अधिकारी भास्कर घटाळे, रवींद्र धारपवार, राज्य क्रीडा मार्गदर्शक अनिल इंगळे, श्रीमती मनिषा ढोके तसेच परिक्षक म्हणून रविकिरण टाकळकर, प्रशांत खाचणे, टिळक क्षीरसागर, प्रा. सुभाष मोरे उपस्थित होते. युवा महोत्सवात लोकगित व लोकनृत्य या प्रकारांमध्ये स्पर्धंकांनी सहभाग घेतला.
यात अंतिम निकाल परिक्षकांनी सादर केल्यानुसार लोकगित या बाबीमध्ये जिजामाता महाविद्यालय, बुलडाणा तर लोकनृत्यामध्ये गो. से. कला विज्ञान व वाणिज्य महाविद्यालय, खामगाव यांनी प्रथम क्रमांक प्राप्त केला. प्रथम क्रमांकाने निवड झालेल्या स्पर्धंकाची विभागीय क्रीडा संकुल, मोर्शी रोड अमरावती येथे 4 जानेवारी 2022 रोजी होणाऱ्या विभागीय महोत्सवासाठी निवड झालेली आहे.
विभागीय महोत्सव सुध्दा ऑनलाईन पध्दतीने होणार असून, प्रथम क्रमांकाच्या स्पर्धकांना लिंक प्राप्त झाल्यानंतर त्यांना सादरीकरण करावे लागेल. कार्यक्रमाच्या यशस्वीतेसाठी जिल्हा क्रीडा अधिकारी गणेश जाधव यांच्या मार्गदर्शनाखाली कार्यक्रम संयोजक श्रीमती मनिषा ढोके, भास्कर घटाळे, रवींद्र धारपवार, अनिल इंगळे, विजय बोदडे, सुरेशचंद्र मोरे, विनोद गायकवाड, कैलास डुडवा, भिमराव पवार, कृष्णा नरोटे यांनी प्रयत्न केले, असे जिल्हा क्रीडा अधिकारी यांनी कळविले आहे.