बुलढाणेकरांनो सावधान! येळगाव धरणात केवळ १७ टक्केच जलसाठा, पाणी जपून वापरा..

येळगाव धरण बुलडाणा शहरासह लगतच्या गाव खेड्यांना पाणी पुरवठा करणारे धरण आहे. धरणाची एकूण व्याप्ती १२.४० दशलक्ष घनमीटर इतकी असून वर्तमान स्थितीत ६.५० दशलक्ष घनमीटर इतका जलसाठा उपलब्ध आहे. गतवर्षी मान्सून अखेरीस दमदार पाऊस झालेला होता. त्यामुळे धरण फुल्ल झाले होते. परंतु यंदा उन्हाची तीव्रता अधिक असून बाष्पीभवन देखील सपाट्याने होत आहे. भविष्यात पाणीटंचाईचा धोका लक्षात घेता बुलढाणेकरांनी पाणी जपून वापरावे असे आवाहन नगरपरिषद प्रशासनाकडून करण्यात आले आहे. पुढील काही दिवसात भीषण पाणीटंचाई टाळण्यासाठी आत्ताच सावधान होणे गरजेचे आहे.