अस्वलाचा शेतकऱ्यावर हल्ला; शेतकरी गंभीर ! बोरखेड शिवारातील घटना
Jul 23, 2024, 20:17 IST
मोताळा(बुलडाणा लाइव्ह वृत्तसेवा): मोताळा तालुक्यातील बोरखेड शिवारात अस्वलाने शेतकऱ्यावर हल्ला चढवला. आज,२३ जुलै रोजी दुपारी ही घटना घडली. गंभीर जखमी अवस्थेत शेतकऱ्याला उपचारासाठी जिल्हा सामान्य रुग्णालयात आणण्यात आले आहे.
रमेश बर्डे (४०) हे शेतात मजुरी कामासाठी जात होते. यावेळी अचानक त्यांच्यावर अस्वलाने हल्ला चढवला. आरडाओरड केल्यानंतर अस्वलाने पळ काढला, मात्र तोपर्यंत बर्डे यांना अस्वलाने गंभीर जखमी केले. गंभीर अवस्थेत त्यांना जिल्हा सामान्य रुग्णालयात आणण्यात आले असून त्यांच्यावर उपचार सुरू आहेत.