वन विभागाची मोठी कारवाई! गिरडा वनक्षेत्रातून सागवान वृक्षाची होणारी अवैध वाहतूक रोखली! पाच लाखांच्या मुद्देमालासह दोघांना घेतले ताब्यात..

 प्राप्त माहितीनुसार, गिरडा परिसरातून अवैधरित्या सागवानाची वाहतूक करणाऱ्या व्यक्तीला वन विभागाने ताब्यात घेतले. त्याची विचारपूस केल्यानंतर मिळालेल्या माहितीनुसार गोतमारा भागातील सुताराच्या कामठ्यावर वन विभागाने धडक देत कारवाई केली. जप्त करण्यात आलेला लाकडाचा माल व साहित्य शासकीय वाहनाद्वारे बुलढाणा येथील लाकूड डेपोत आणण्यात आला. या प्रकरणी तिघांना ताब्यात घेऊन त्यांच्याविरुद्ध वन कायद्यांतर्गत गुन्हा दाखल करण्यात आला आहे.