चिखलीच्या यात्रेत शस्त्र बाळगणाऱ्या दोघांना अटक; एकाजवळून चाकू दुसऱ्याकडून तलवार जप्त !

चिखली येथील रेणुकादेवीची वहन मिरवणुक यंदा १६ एप्रिलच्या रात्री  काढण्यात आली. या मिरवणुकीत लाखो भाविक सहभागी झाले होते. दरम्यान या मिरवणुकीत संशयास्पद फिरणाऱ्या दोघांना पोलिसांनी ताब्यात घेतले. त्यांची तपासणी केल्यावर महेश खूनारे याच्याकडून तलवार तर विशाल दांडगे याच्याकडून चाकू जप्त करण्यात आला. दोघांकडे कोणताही शस्त्र परवाना नसतांना केवळ दहशतीच्या उद्देशाने दोघे शस्त्र बाळगत असल्याचे समोर आल्याने दोघांविरुद्ध चिखली पोलीस ठाण्यात गुन्हा दाखल करण्यात आला. तपास चिखली पोलीस करीत आहेत.